Йæ саразæг у республикæйы ахуырады æмæ наукæйы министрады сывæллæтты туризмы æмæ экскурситы центр
«Больше, чем путешествие». Афтæ хуыйны, 250 мин æрыгон лæппу æмæ чызджы нæ бæстæйы рæсугъддæр æмæ цымыдисагдæр бынæттæ цы программæйы фæрцы федтой, уый. Базонгæ сты наукон центрты, ахуыргæнæндæтты æмæ промышленнон куыстуæтты æнтыстдзинæдтимæ. Программæ бацыд фæсивæды хъуыддæгты фæдыл федералон агентады экосистемæмæ æмæ æххæстгонд цæуы нацпроект «Фæсивæд æмæ сывæллæттæ»-м гæсгæ. Æрæджы проект райдыдта Цæгат Ирыстоны. Йæ саразæг у республикæйы ахуырады æмæ наукæйы министрады сывæллæтты туризмы æмæ экскурситы центр. Бæлвырддæр радзурдзæн Хъайтмазты Дзерассæ.
Альпинизмы пайда кæнынц бирæ æлхынцъытæй алы нысантæн. Телевизион проект «Позитивчики»-йæ сывæллæттæ базыдтой, æдасдзинад сæххæст кæнынæн сæ раст бæттын куыд хъæуы, уый. Бацамыдтой ма сын компасæй пайда кæнын, палаткæтæ æмбырд кæнын æмæ сæ халын. Ацы къорд фыццаг араст ис балцы 2 бонмæ программæ «Больше, чем путешествие»-мæ гæсгæ.
Программæ «Сусæггонд Цæгат Ирыстоны кæмтты» æдæппæтæй архайдзæн 400 адæймаджы. Бацыд ног национ проектмæ. Программæ цæттæ кодтой цалдæр мæйы. Сæрмагонд æргом аздæхтой райгуырæн зæххы историмæ. Маршрут цæуы намысы бынæтты, дæлвæзты æмæ æхсæрдзæнты, фидарты, кæмтты æмæ мæсгуытыуылты.
Алы æрлæууæн дæр – историон бæрæггæнтæ хъахъхъæнæн бынат. Уыдоны бындурыл æвзонг журналисттæ æмбырд кæнынц сæ телевизион равдыст, фыссынц стендаптæ æмæ интервьютæ. Зæгъæм, бæлвырд радзырдтой Мидæгрæбыны æсхæрдзæнтæм маршруты тыххæй.
«Больше, чем путешествие» ма у ноджыдæр иу уникалон проект. Æххæст æй кæны сывæллæтты туризмы центр. Ног программæ «Сусæггонд Цæгат Ирыстоны кæмттæ» у 12 азы онг сывæллæттæн. Цæуы, Ирыстоны ахсджиаг бынæтты уылты.
Сывæллæттæ цардысты республикæйы нырыккон уазæгдзæрæн комплекстæй иуы. Изæры та-иу æрæмбырд сты арты уæлхъус. Зарджытæ, цымыдисаг историтæ, кæфтытæ… Æвзонг архайджытæ бирæ цымыдисаг хабæрттæ базыдтой уарзон Цæгат Ирыстоны тыххæй/
