Куыстыты хæрзхъæддзинадмæ та сæ цæст дарынц Æппæтуæрæсеон адæмон фронты активисттæ
Æнæбафиппайгæ нæй, фæстаг рæстæг нæ республикæ аивдæр кæй кæны, уый. Проект «Горæты æнцонвадат архайд» æххæст кæнгæйæ, бæстон зилынц хæдзæртты кæртытæм, алфамбылай территоритæм, парктæм æмæ аллеятæм. Куыстыты хæрзхъæддзинадмæ та сæ цæст дарынц Æппæтуæрæсеон адæмон фронты активисттæ. Ацы хатт уыдысты республикæйы цалдæр районы. Семæ – не сфæлдыстадон къорд дæр, æмæ бæлвырддæр радзурдзæн Гуытъиаты Алинæ.
Ацы фæлладуадзæн бынатмæ Уæллаг Фыййагдоны цæрджытæ рагæй æнхъæлмæ кастысты. Уæлдай цин та сын уый хæссы æмæ поселочы астæу кæй ис, уый. Нырыккон бандæттæ, рухсгæнæнæнтæ, бырæтты къоппытæ. Ис дзы сывæллæттæн ирхæфсæнтæ дæр. Иудзырдæй ам йæ фæллад суадзыны фадад ис цыфæнды кары адæймагæн дæр. Адæмон фронты активисттæ куыд зæгъынц, афтæмæй куыстытæ конд æрцыдысты, куыд æмбæлы, афтæ.
Уайдзæфы аккаг ссис Дзтийы-фырты уынджы хæдзары раз цы территори ис, уый. Ам баивтой асфальт, бордюртæ, сæвæрдтой бадæн бынæттæ. Фæлæ дзы нæй бырæтты къоппытæ æмæ рухсгæнæнтæ.
Сæ ног фæлладуадзæн бынатыл цин кæнынц Дæллаг Бирæгъзæнджы дæр. Асфальтæй фистæгæйцæуæнтæ, бадæн бынæттæ, сывæллæттæн хъазæн фæрæзтæ. Куыстыты хæрзхъæддзинад сбæрæг кодтой æхсæнады минæвæрттæ.
Федералон проекты фæрцы бындурон цалцæн скодтой Ногхъæуы мемориалон комплекс. Уыцы куыстытæм фау æрхæссæн нæй. Активистты хъуыдымæ гæсгæ, уайдзæфы аккаг у администрацийы ахастдзинад. Цыртдзæвæны алыварс хæмпæлгæрдæгæй байдзаг.
