Куыстытæ куыд цæуынц, уый федта Паддзахадон Думæйы депутат Таймазты Артур
Федералон проект «Горæты æнцонвадат архайд» æххæст кæнгæйæ, стыр æргом здæхт цæуы æхсæнадон территоритæм, парктæм æмæ цæугæдæтты былгæрæттæм. Куыстытæ куыд цæуынц, уый федта Паддзахадон Думæйы депутат Таймазты Артур. Бæрнон кусæг бабæрæг кодта Жуковскойы номыл парк. Ам нысан кæнынц асинтæ æмæ къахвæндæгтæ сцалцæг кæнын. Фæзындзысты сывæллæттæн ирхæфсæн фæзтæ дæр. Уымæй дарддæр ныртæккæ аив кæнынц Коцойты Арсены уынджы Терчыбылгæрон. Уый уыдзæн рацарæзты кæронбæттæн къæпхæн. Сæвæрдтой дзы нырыккон ног бандæттæ æмæ рухсытæ. Фæллойгæнджытæ лæгъз кæнынц фæндаг, цæмæй дзы райдайой асфальт æвæрын. Æдæппæтæй ацы азы кæронмæ нæ республикæйы фæнд кæнынц 42 æхсæнадон территорийы æмæ 50 кæрты саив кæнын.
