Географион наукæты кандидат Рашид КаскырбАй ЭльбрУсы хохы раз скодта музейон хуызы мобилон этнопарк
«Юрта-Скансен», кæнæ «Хæлардзинады Юрта». Проекты автортæ сæмбæлдысты студенттимæ ветеранты республикон хæдзары. Географион наукæты кандидат Рашид КаскырбАй ЭльбрУсы хохы раз скодта музейон хуызы мобилон этнопарк. Наукон-рухстауæн экспедици æххæстгæнгæйæ, уый йе мкусджытимæ æрлæууы, кæддæр Цайы Стыр фæндаг кæуылты цыд, уыцы горæтты. Саразы æмбырдтæ, цай цымыны церемонитæ, этнокультурон программæтæ. Проекты нысан у, Уæрæсейы бирæ адæмыхæттыты минæвæртты æнгом кæнын, æмæ бындурон чысыл адæмты культурон код бахъахъхъæнын. Йæ хъуыды у, Цайы Стыр фæндаджы адæмты историон-культурон бынтæ хъахъхъæнын æмæ парахат кæнын. Проекты мидис у, Уæрæсе-Монголи-Китайы экономикон ахастдзинæдты райрæзтæн æмархайд кæнын, культурон, наукон æмæ амалхъомдзинады бастдзинæдтæ фидар кæнын .
