Уыдоны фæрцы сæм фæзындысты хорз уавæртæ, сæйраг хъайтартæ – куклатæ аразынæн
Партион проект «Культура малой Родины» æххæст кæнгæйæ, театр «Саби»-йы цæуынц бындурон цалцæггæнæн куыстытæ. Уыдоны фæрцы сæм фæзындысты хорз уавæртæ, сæйраг хъайтартæ – куклатæ аразынæн. Уæвгæ, театрæн бындур æвæрд æрцыд 19-æм æнусы кæрон. Фæлæ дзы фæстаг 80 азмæ бындурон цалцæггæнæн куыстытæ нæ цыдысты. Хъуыддаг бантыст аивын.
Ацы сезоны театр «Саби»-йы сæвæрынмæ хъавынц 3 ног спектаклы. Уыимæ сценæ у ног цалцæггонд, ног рухсгæнæн кусæнгæрзтимæ. Сæвæрдтой ма дзы нырыккон штанкетон системæ. Театры уый никуы уыди. Фæлæ нырæй фæстæмæ рухсгæнæнтæй æмæ кулисæтæй пайда кæнын зынгæ æнцондæр уыдзæн. Сног кодтой бадæн бынæттæ дæр. Фæфылдæр сын кодтой сæ нымæц.
Театры бæстыхайы фылдæр хайæ пайдагонд нæ цыди. Суанг ма дзы кæмдæрты уæвæн дæр нæй, æдасдзинады домæнтæ хынцгæйæ. Пъадвалты ис бирæ бынат, фæлæ уыдон дæр сты бæстон базилинаг. Къултæ схъуына сты. Репетицитæ кæнынæн та бынат нæ уыди. Ныр та ам ис егъау гримгæнæн, куклатæ дарæн æмæ уæлæдарæсы уæттæ, стæй æрмадзтæ.
Театры сæйраг хъайтартæ, кæй зæгъын æй хъæуы, сты куклатæ. Уыдон сфæлдисынц сæрмагонд æрмадзы. Театры аивадон разамонæг Гæлæуты Аслæнбеджы. ныхæстæм гæсгæ сæм ныртæккæ ис æппæт æмбæлгæ уавæртæ, куклатæ аразынæн. Суанг ма сæм сæхи библиотекæ дæр фæзынд. Уæвгæ, театрæн бындур æвæрд æрцыд 19-æм æнусы кæрон. Фæлæ дзы фæстаг 80 азмæ бындурон цалцæггæнæн куыстытæ нæ цыдысты. Хъуыддаг аивын бантыст, партион проект «Культура малой Родины» æххæст кæнгæйæ.
Коллектив ныртæккæ архайы сæ ног бæстыхæйттæ фæцардхуыз кæныныл. Хæстæгдæр рæстæг фæхъæздыгдæр кæндзысты сæ библиотекæйы чингуыты фонд. Фæзынди ма сæм камерон зал амфитеатримæ. Нысан кæнынц зæлты студи скæнын. Техникон æгъдауæй фæхъæздыгдæр кæндзысты сценæ. «Саби» ма цух æййафы автобусæй дæр. Æппæт ацы хъуыддæгтæн ма коллективæн радих кæндзысты ноджыдæр 14 милуан сомы.
