Æппæт ацы хъуыддæгтæ хауынц культурæйы рæзты программæмæ
Проект «Курдиатджын сывæллæттæ» æххæст кæнгæйæ, Цæгат Ирыстоны фылдæр кæндзæн аивадон ахуырадыл хæст фæлтæры нымæц. Уымæ канд нывкæнынад нæ хаудзæн, фæлæ ма хореографи æмæ музыкæ дæр. Æппæт ацы хъуыддæгтæ хауынц культурæйы рæзты программæмæ. Проект æххæст кæны Цæгат Ирыстоны райрæзты Агентад. Йæ саразыны хъæппæрис разынд республикæйы Сæргълæууæг Битарты Вячеславмæ. Проект æххæст кæнгæйæ Уыналы арæзт æрцыд зæрдæмæдзæугæ мадзал. Уæвгæ, ацы бынат иунæг нæ уыдзæн. Дыууæ къуырийы дæргъы республикæйы алы районты кæстæртæн кæндзысты дæсныйадæвдисæг ахуыртæ.
Ансамбль«Къона»-йы курдиатмæ ничи фæлæудзæн. Уæлдайдæр та æрыгон кафæг куы уай, уæд. Ацы нывтæм кæсгæйæ, æвæстиатæй абалц кæндзынæ цалдæр æнусы размæйы цардмæ. Æрмæст йæ архайджыты раргом кæны нырыккон уæлæдарæс. Хæххон пейзажтæ та ацы нывмæ бафтауынц ирд ахорæнтæ.
Сывæллæтты зарæггæнджыты хорæн разамынд дæтты аивæдты сгуыхт архайæг Дзанайты Ольгæ. Ам канд æвзонг хореогрæфтæ не сты, фæлæ ма музыканттæ æмæ нывгæнджытæ дæр. Уарын дæр сæ нæ бахъыгдардта. Цæллагты мæсгуыты комплексмæ сывæллæтты æмæ сæ разамонджыты æрбакодта проект «Курдиатджын сывæллæттæ». Йæ сæйраг мидис у – æцæг курдиæтты раргом кæнын, æмæ сæ раст сфæлдыстадон фæндагыл сæвæрын.
Хæрзиуджытæй иу у – аивæдты Лицеймæ ахуыр кæнынмæ бацæуын. Республикæйы районтæй бирæ сывæллæттæн уый у, абарæн кæмæн нæй, ахæм хорз фадат. Баххуыс та сын кæндзæн курдиат æмæ хиуыл куыст. Ис ахæм сывæллæттæ дæр, проекты дыккаг аз чи архайы.
Ацы бынат сын иунæг нæ уыдзæн. Дыууæ къуырийы дæргъы республикæйы алы районты сывæллæттæн арæзт цæудзысты дæсныйадæвдисæг ахуыртæ. Уыцы куыст кæндзысты хуыздæр республикон æмæ федералон педагогтæ.
Ирон симды архайынц алы кары адæм – кæстæртæ æмæ хистæртæ. Се хсæн Цæллагты мыггаджы минæвар дæр. Куыд радзырдта, афтæмæй йын ахæм курдиат куы фехъусын кодтой, ома проекты иу бон сæ мыггаджы мæсгуыты комплексы арвитын, уæд ын тынг æхсызгон уыди, æмæ се ппæты дæр суазæг кодта.
Сывæллæттæн се хсызгон æнкъарæнтæ зын æмбæхсæн уыди. Сæ зæрдæты сæ кæй бадардзысты, ууыл дызæрдыг дæр нæ кæнынц. Бирæтæн ацы проект суыдзæн куыд фидæны дæсныйадмæ сфæлдыстадон фæндаг. Афтæмæй сæхи базонын кæндзысты, æмæ се сгуыхтдзинæдты тыххæй се ппæтæн дæр фехъусын кæндзысты.
![Соц Сети Соц Сети](https://alaniatv.ru/wp-content/uploads/2019/01/Alania_TG_1140x151.gif)