Сфæлдыстадон къорд Цæгат Ирыстонмæ ссыд, фыццаг киноэкспедицийы программæ æххæст кæнгæйæ
Проект «Садон: сау цæугæдон»-ы командæ райдыдта документалон киноныв исын. Сфæлдыстадон къорд Цæгат Ирыстонмæ ссыд, фыццаг киноэкспедицийы программæ æххæст кæнгæйæ. Сæ нысан у – ирыстойнаг хæххон кусджыты поселокимæ базонгæ уæвын. Командæ абалц кодта мин æмæ 500 киломтеры дæргъы, цæмæй базоной, 20 азы размæ цæугæдон куы раивылди, æмæ ламидæттæ куы рцыдысты, уæдæй фæстæмæ бынат куыд аивта, уый. Уæдæ сын цымыдис у бынæттон адæмы царды уавæртæ фенын дæр. Стыр экрантæм киноныв рацæудзæн 2025-æм азы. Уæдмæ та уал æрыгон адæм скæндзысты цалдæр киноэкспедицийы Цæгат Ирыстонмæ. Киноисæн къорды куыстмæ цæстдарæн ис проекты социалон хызты. Зæгъдзыстæм ма уый дæр, æмæ проект «Садон: сау цæугæдон» сси культурон хъæппæристы Президентон фонды ацы азы дыккаг грантон конкурсы уæлахиздзау.
