Цæрæнуæтты арæзтады райрæзты программæйæн æххуысы фæлгæты Уæрæсейы министрадимæ фыст æрцыди бадзырд
Рацæуын кæцæй нæ фæнды, ахæм скъола. «Эрудит» йæ ног бæстыхаймæ ахуырдзауты райста афæдзы мбисы размæ. Скъола æрмæст хорз арæзт нæу, фæлæ ма у аив дæр. Цæмæй рæзгæ фæлтæрæн фылдæр нырыккон ахуыргæнæндæттæ уа, уый тыххæй республикæйы «Цæрæнуæтты æмæ горæты æнцонвадат цард»-ы программæ æххæстгæнгæйæ арæзт цæуынц ног бæстыхæйттæ. «Эрудиты» æвзонг скъоладзауты бабæрæг кодта не сфæлдыстадон къорд. Бæстондæр – Касаты Наирæ.
«Эрудит» ног бæстыхайы кусы афæдзы мбис. Фæлæ цыбыр рæстæгмæ ног агъуыстыты æрбынæттон сты. 9-аздзыд Даринæ зæгъы, ам ын у йæ дыккаг хæдзар. Уæлдайдæр та уый тыххæй, æмæ ахуырадон центр арæзта йæ фыд. Саулохты Чермен дзуапп лæвæрдта арæзтадон куыстытæн. У генералон подрядон организацийы специалист
Арæзтадон куыстыты хæрзхъæддзинадмæ сæ цæст дардтой бындурон арæзтады управленийы специалисттæ.
Ацы конструкцитæ нырыккон дизайнерон æрхъуыдыдзинæдтимæ адæймаджы цæст рæвдауынц. Сты аив, ног микрорайонты фидауынц рæсугъд. Ахæм хуызы национ проектмæ гæсгæ, æрмæст скъолатæ нæ аразынц.
Проект «Стимул» регионæн æххуыс кæны бирæ æндæр социалон объектты арæзтады дæр. Цæрæнуæтты арæзтады райрæзты программæйæн æххуысы фæлгæты Уæрæсейы министрадимæ фыст æрцыди бадзырд. Афтæмæй, Цæгат Ирыстон субсиди исы 2019-æм азæй фæстæмæ. Ацы æмæ иннæ азтæм фæрæзты нымæц у 547 милуан сомы.
