Фæсивæд сæ зонындзинæдтæ æмæ фæлтæрддзинад æвдыстой 8 къабазмæ гæсгæ
Зонындзинæдтæ равдисынæн хорз фадат. Профессионалон арæхстдзинадæй чемпионат арæзт æрцыд Цæгат Ирыстоны базарадон-экономикон колледжы. Фæсивæд сæ зонындзинæдтæ æмæ фæлтæрддзинад æвдыстой 8 къабазмæ гæсгæ. Чемпионат «Профессионалтæ» арæзт цæуы, национ проект «Фæсивæд æмæ сывæллæтты» федералон проект æххæст кæнгæйæ. Бæлвырддæр хабæрттæ радзурдзæн Хъайтмазты Дзерассæ.
Хыссæйæ адджын гуылтæ кæнын, сцæттæ кæнын салат æмæ дубайаг шоколад. Профессионалон арæхстдзинады чемпионат «Профессионалтæ» æххæстгæнгæйæ скъоладзаутæн сарæзтой алыхуызон дæсныйадæвдисæг ахуыртæ. Цæгат Ирыстоны паддзахадон базарадон-экономикон колледжы бындурыл кусы 8 къабазмæ гæсгæ фæзтæ. Уыдон сты – уазæгдзæрæнæн разамынд дæттын, туризм, амалхъомдзинад, хæринаг кæныны æмæ кондитерон хъуыддаг, дзул фыцын, рестораны сервис, барадхъахъхъæнæн архайд æмæ бухгалтеры хыгъд. Ам скъоладзауæн йæ бон у йæхи афæлварын алы дæсныйæдты.
Гаглойты София: «Мне очень понравилось, например, как мы были в первой лаборатории, там нам показывали как делали что-то наподобие дубайского шоколада, но уже со своей изюминкой. Это было очень интересно, нам рассказали как топить шоколад, это был именно специальный шоколад, очень дорогой. Ну, в общем, мои представления: мне очень понравилось»
Алы къабазы дæр студенттæ ахуыр кæнынц скъоладзауты. Æрыгон специалистты архайдæн аргъ кæнынц куыстдæтджытæ. Уый фæстæ æппæт бæрæггæнæнтæ бахæссынц федералон порталтæм æмæ сæ уым бафтауынц. Чемпионаты кæронбæттæны программæ скæндзæн хатдзæгтæ æмæ сбæрæг уыдзæн уæлахиздзау.
Æппæтæй цымыдисагдæр рæзгæ фæлтæрæн уыд пряниктæй хæдзæрттæ аив кæнын. Колледжы студентты разамындæй адджын гуылтæ срæсугъд кодтой глазурæй.
Чемпионат «Профессионалтæ» арæзт цæуы нацпроект «Фæсивæд æмæ сывæллæтты» федералон проект «Профессионалитет»-мæ гæсгæ. Регионалон къæпхæн цæудзæн 4-æм мартъийы онг. Йæ программæйы – дæсныйадæвдисæг ахуыртæ, профориентацион куыст, фембæлдтытæ, æмбырдтæ.
