Ирон аивадуарзджытимæ фембæлды бацархайдта дзуапп радтын фарстайæн – нырыккон авторты постановкæты номдзыд режиссеры хъуыдытæ куыд æххæстгонд цæуынц
«Евгений Вахтанговы режиссурæйы уроктæ æмæ Вахтанговы номыл театры нырыккон спектакльтæ». Аивад иртасыны доктор, профессор Дмитрий Трубочкины интерактивон лекци арæзт æрцыд Вахтанговы номыл хæдзар-музейы арт-кафейы. Ирон аивадуарзджытимæ фембæлды бацархайдта дзуапп радтын фарстайæн – нырыккон авторты постановкæты номдзыд режиссеры хъуыдытæ куыд æххæстгонд цæуынц. Евгений Вахтангов йæхæдæг ахуырадон чингуытæ нæ ныууагъта, фæлæ йæ ахуыргæнинæгты фæрцы йæ хъуыдытæ æмæ концепцитæ ныры онг цæрынц æмæ алы хуызты æххæстгонд цæуынц. Дмитрий Трубочкин куыд загъта, афтæмæй лекцийы темæ у уæрæх, домдта бирæ иртæстытæ æмæ ма йыл дарддæр куыст цæуы.
