филиал вгтрк государственная телерадиовещательная компания “Алания”

Уый фæдыл фæллойгæнджыты бартæ чи хъахъхъæны, уыдонæн раарфæ кодта Цæгат Ирыстоны профцæдисты организациты иугонды сæрдар Касаты Таймураз. Уый профцæдисты билеттæ радта цыппæрæм хуыйæн лицейы студенттæн. Профцæдисты организациты активондæр минæвæрттæ хорзæхгонд æрцыдысты паддзахадон æмæ ведомствæйы хæрзиуджытæй. Республикæйы сæргълæууæджы номæй профцæдисты кусджытæн раарфæ кодта фыццаг вице-премьер Хадыхъаты Азæмæт. Саккаг сын кодта кады гæххæттытæ æмæ «Ирыстоны Намысы» майдантæ. Арфæйы ныхæстæ загъта Парламенты сæрдар Алексей Мачнев дæр. Профцæдисты змæлды сæвзæрды бон Цæгат Ирыстоны бæрæг кæнынц ныр 3-аг аз республикæйы сæргълæууæг Мамсыраты Таймуразы бардзырдмæ гæсгæ.

Балаты Мæирбег, Цæгат Ирыстоны хъæды хæдзарады комитеты сæрдары хæдивæг: «Профцæдистæ сты иунæг кусæг къорд, кусæг адæймаджы фарс чи æрлæууы алы фарстайы дæр, цæмæй йæ царды æмæ куысты уавæртæ хуыздæр уой. Уыцы фарстатыл тынг архайынц. Уырны мæ, дарддæр дæр сæ куыст тыхджындæр æмæ рæсугъддæр кæй кæндзысты, уый».