Кæй фæндыд, уыдонæн уыд, профессионалты æххуысæй сæхи саив кæныны, стæй адæймагæн йæхимæ базилыны тыххæй информаци базоныны фадат. Ахæм мадзæлттæ арæзт цæуынц къуыри 2 хатты: ныфхуыдæй, ныв кæнынæй, къуымбил æмæ æлыгимæ кусынæй дæсныйадæвдисæг ахуыртæ æмæ æндæр пайдайаг хъуыддæгтæ. Бæлвырддæр радзурдзæн Хъайтмазты Дзерассæ.
Рæсугъд сæрыфаст скæнын, маникюр сног кæнын, иу дзырдæй, хи æцæг сылгоймагæй банкъарын. Уый тыххæй санаторий «Сосновая роща»-йы фæлладуадзджыты æнæмæнг аивдзинады салонмæ цæуын нæ хъæуы, ацы хатт сæм, зæгъæн ис, æмæ йæхæдæг æрбацыд.
Сылгоймæгтæн санаторийæ ма рацæугæйæ сæхимæ базилыны фадат балæвар кæнын – сæйрагдæр хæс нæ уыд. Ахсджиагдæр уыд, сæ зæрдыл сын æрлæууын кæнын, раздæрау æрыгон æмæ рæсугъд кæй сты, æмæ алы ран дæр ирд фæд кæй уадзынц, уый.
Программæ «Активное долголетие» æххæстгæнгæйæ ам фæлладуадзджытæ сæ рæстæг æрмæст пайдаимæ не *рвитынц, зонгæ ма кæнынц цымыдисаг адæмимæ дæр. Искæимæ зæрдæбын ныхас акæнын – адæмæн хатгай нæ фæфаг кæны.
Бирæ цыдæртæ федтой, фæлæ сæ чысыл цау дæр дисы бафтауы. Æмæ санаторийы хæс у, куыд гæнæн ис, афтæ арæхдæр хистæр кары адæмы зæрдæтæ райын кæнын,стæй сын цымыдисаг æмæ зонадон мадзæлттæ аразын.
Программæ «Активное долголетие» ма иу хатт се ппæты зæрдыл лæууын кæны: кар – æрмæстдæр нымæц у, разæй сæм, æнæмæнг, æнхъæлмæ кæсы цымыдисаг цаутæй хъæздыг цард.
