2024-æм азы онг хъуамæ базилой 225 æхсæнадон территоримæ æмæ 413 кæртмæ
Программæ «Горæты æнцонвадат цард» æххæст кæнгæйæ, республикæйы цæуынц цалцæггæнæн æмæ аивгæнæн куыстытæ. 2024-æм азы онг хъуамæ базилой 225 æхсæнадон территоримæ æмæ 413 кæртмæ. Æдæппæтæй ацы аз сног кæндзысты 22 æхсæнадон зонæйы. Кæцыдæр объекттæ ныридæгæн радтой эксплуатацийы. Профилон ведомствæйы куыд загътой, афтæмæй куыстытæ фæнд кæнынц æмгъуыдæй раздæр фæуын. Касаты Наирæ радзурдзæн бæлвырддæр.
6 мин квадратон метры асфальты уæлцъар, уыйбæрц та ма къæйдур. Фонтанты фæзы куыстытæ райдыдтой афæдзы райдиан. Аразджытæ райхæлдтой зæронд уæлцъар. Объекты сæйраг куыстытæ ныридæгæн фесты. Æвæрд дзы æрцыди коммуникацитæ. Ам фæзындзæни рухсыты ног системæтæ.
Ацы территорийы цалцæггæнæн куыстытæ нæ цыдысты фæстаг 15 азы. Фонтантæ рагæй дæр нæ кусынц. Проектмæ гæсгæ дзы фæзындзæн аив рухсытæ дæр. Куыстытæ дзы цæуынц æнæрлæугæйæ.
Аразджытæ тирриторийы бакаст гыццыл аивтой. Адæмы уарзондæр фæлладуадзæн бынæттæй иуы бакуыстой цъæхфæлыстыл. Фонтанты фæз горæты у иунæг ахæм зонæ. Аразджытæ куыстой адæмы хъуыдытæ хынцгæйæ. Морских Пехотинцевы уынг аив кæнынц горæты æнцонвадат царды программæйы фæлгæты. Æдæппæтæй ацы аз сног кæндзысты 22 æхсæнадон зонæйы. Кæцыдæр объекттæ ныридæгæн радтой эксплуатацийы. Максим Горькийы уынджы скверы куыстытæ та сты сæ тæмæны. Ацы фæзæн ис йæхи истори. Зæгъæм нæзы бæлæстæ дзы сагъта Валентина Терешкова. Арæзтадон куыстыты рæстæг ахсджиаг уыди, цæмæй сæ бахъахъхъæной, æмæ сын бантыст. Сæвæрдтой дзы бордюртæ, къæйдурæн цæттæ кæнынц бындур. Ахæм куыстытæ цæуынц Коцойты Арсены уынджы дæр.
Федералон программæ бæстæйы æххæстгонд цæуы 2017-æм азæй нырмæ. 2024-æм азы онг республикæйы хъуамæ базилой 225 æхсæнадон территоримæ æмæ 413 кæртмæ. Профилон ведомствæйы куыд загътой, афтæмæй куыстытæ фæнд кæнынц æмгъуыдæй раздæр фæуын.
Ныртæккæ та цæттæ кæнынц иинæ азмæ объекттæ. Ацы хъуыддаджы архайдтой республикæйы цæрджытæ дæр. Алкæмæн дæр фадат уыди йæ хъуыдытæ зæгъынæн. Хъæлæс кæныны процедурæ уыди сæрмагонд платформæйыл. Æппæтæй активондæртæ уыдысты Алагиры, Æрæфы, Æрыдоны æмæ Мæздæджы районты цæрджытæ.
Сæ фæндонтæ загътой Дзæуджыхъæуы цæрджытæ дæр. 50 æхсæнадон зонæйæ рамбылдтой 18. Се хсæн Жуковскийы парк, доны станцæ, Колыты Аксойы сквер. Ныртæккæ специалисттæ цæттæ кæнынц дизайн-проект æмæ проектон-сметон документаци. 2022-æм азы цы хæдзæртты кæртытæ хъуамæ сцалцæг кæной, уыдоны тыххæй та цæрджытæ хъуамæ муниципалитеттæм бадæттой курдиæттæ.
