филиал вгтрк государственная телерадиовещательная компания “Алания”

Прокуратурæ дарддæр бæрæг кæны Дзæуджыхъæуы базарадон объектты æмæ ирхæфсæн центрты уавæр. Цæстдарæн ведомствæ æнæнхъæлæджы цауты министрад æмæ «Газпром»-имæ рейдтæ снысан кодта Дзæуджыхъæуы Гагкайы-фырты уынджы бæстыхай куы ныккалди, уæд. Сæйраг домæн у – газы кусæнгæрзты æмæ зынгсирвæзтыты ныхмæ системæ æмбæлгæ уагыл у, æви нæу, уый сбæрæг кæнын. Рейды рæстæг прокуратурæйы кусджытæ аиппытæ нæ раиртæстой. Уæдæ дзы газ дæр хи барæй никуыцæй цæуы.