Алы регион дæр роликы равдыста адæмы культурæ, тардицитæ æмæ æгъдæуттæ, æмбал кæмæн нæй, ахæм цыртдзæвæнтæ, сæ рагфыдæлтæй сын чи баззад, уыцы культурон хæзнатæ
«Цæгат Ирыстоны сæйраг хæзна – йæ адæм: курдиатджын, куыстуарзаг æмæ хъæбатырдзинадæй æххæст». Уый у Уæрæсейы Президент Владимир Путины цитатæ, æмæ дзы æппæтадæмон равдыст-форумы байгом кодтой ПТРК-«Алани»-йы ролик. Презентацитæ бацæттæ кодтой æппæт регионты телеуынынадты минæвæрттæ дæр. Сæ цыбыр равдыстыты адæмы размæ рахастой нæ бирæнацион бæстæйы адæмыхæттыты уникалон æмæ бирæвæрсыг æууæлтæ. Алы регион дæр роликы равдыста адæмы культурæ, тардицитæ æмæ æгъдæуттæ, æмбал кæмæн нæй, ахæм цыртдзæвæнтæ, сæ рагфыдæлтæй сын чи баззад, уыцы культурон хæзнатæ. Алчидæр сæ бацархайдта, цæмæй равдыст-форумы уазджыты бафæнда сæ регион бабæрæг кæнын. ПТРК-«Алани»-йы роликмæ хаст æрцыдысты алыхуызон æмвæзадты мадзæлттæм цы æрмæджытæ бацæттæ кодтой, уыдон. Уый, Уæрæсейы бонмæ, Уæлахизы бонмæ, адæмы иудзинады бонмæ æмæ афтæ дарддæр. Æппæт марафонтæ дæр фенæн ис платформа СМОТРИМ-ы.
