Цалдæр къуырийы дæргъы Цæгат Ирыстоны вокалистты, хорты æмæ бинонты сфæлдыстадон къордтæ æрвыстой видеоæрмæджытæ сæ уарзон патриотон зарджытимæ
ПТРК-«Алани»-йы сайты райдыдта æппæтуæрæсеон телевизион марафон-фестиваль «С чего начинается Родина»-йы архайджытыл адæмон хъæлæс кæныны процедурæ. Цалдæр къуырийы дæргъы Цæгат Ирыстоны вокалистты, хорты æмæ бинонты сфæлдыстадон къордтæ æрвыстой видеоæрмæджытæ сæ уарзон патриотон зарджытимæ. Ныр та хъуамæ хуыздæрты равзарат смах. Уый фæстæ, сæ ныхас зæгъдзысты жюрийы уæнгтæ, сæ хыгъды уыдзысты профессионалон-музыканттæ, аивады архайджытæ æмæ нæ каналы минæвæрттæ. Полуфиналисттæм æнхъæлмæ кæсы нæ телеуынынады æмæ радиохъусынады эфиртæ. Финалисттæ та архайдзысты 12 сахаты чи цæудзæн, ахæм телемарафоны. Цæудзæн платформа «СМОТРИМ»-ы. Ацæудзæн 12-æм июны, Уæрæсейы бон. Иу хат ма уын æй уæ зæрдыл лæууын кæнæм, хуыздæр архайæгыл схъæлæс кæнæн ис нæ телекомпанийы сайты alaniatv.ru.
