01 июля 2021, 13:15
ПТРК «Алани»-йы телеоператорты къорды разамонæг Юрий Жирняк хорзæхджынгонд æрцыд хæрзиуæг «Ирыстоны намысы майданæй»
Уый фæдыл сæрмагонд уынаффæ бафыста республикæйы Сæргълæууæджы хæстæ рæстæгмæ æххæстгæнæг Сергей Меняйло
Паддзахадон телерадиокомпани «Алани»-йы телеоператорты къорды разамонæг Юрий Жирняк хорзæхджынгонд æрцыд нæ республикæйы уæлдæр хæрзиуæг «Ирыстоны намысы майданæй». Уый фæдыл сæрмагонд уынаффæ бафыста республикæйы Сæргълæууæджы хæстæ рæстæгмæ æххæстгæнæг Сергей Меняйло. Кадджын хæрзиуæг дæр ын радта йæхæдæг. Указы амынд ис – Юрий Жирняк Цæгат Ирыстоны телеуынынады рæзтмæ стыр æвæрæн кæй бахаста, уый». Мадзал баст уыд нæ республикæйы культурæйы сгуыхт кусæджы юбилейимæ. Сæххæст ыл 60 азы. Уыдонæй 40 азы балæвар кодта йæ уарзон куыстæн. Юрий Жирнякы фæллойадон чиныджы ис æрмæстдæр иу фыст – паддзахадон телерадиокомпани «Алани».
темæмæ гæсгæ
