16 ноября 2023, 11:34
ПТРКйы «Алани»-йы сæрмагонд уацхæссæг Наталия Фрейбергæн саккаг кодтой «Донорты змæлдæн æмархайды» тыххæй майдан
Федералон медикон-биологон агентадæй хæрзиуæг ын радта республикæйы Хицауады сæрдары хæдивæг Александр Реутов
Æхсызгон хабар. Не *мкусæг, паддзахадон телерадиокомпани «Алани»-йы сæрмагонд уацхæссæг Наталия Фрейбергæн саккаг кодтой «Донорты змæлдæн æмархайды» тыххæй майдан. Федералон медикон-биологон агентадæй хæрзиуæг ын радта республикæйы Хицауады сæрдары хæдивæг Александр Реутов. Куыд загъта, афтæмæй Цæгат Ирыстоны кады ахæм нысан фыццаг хатт лæвæрд æрцыд. 3 азы размæ Наталия сси стæджы магъзы донор æмæ аирвæзын кодта адæймаджы цард. Йæ ныфс цы процедурæмæ бахаста, уый фæрцы реципиент – æрыгон чызг Дарья Фомина сси амондджын æмæ, сæйрагдæр та, æнæниз адæймаг.
темæмæ гæсгæ
