Георгий каст фæци 11-æм кълас, æмæ фæнд кæны аразгæ интеллекты технологиты факультетмæ бацæуын, Тимур та ахуыр кæны республикæйы физикон-математикон лицейы
Цымыдисаг проект – рухс фидæнмæ фæндаг. Ахæм хъуыдыйыл хæст сты Пухаты Георгий æмæ Тимур Очилов. Георгий каст фæци 11-æм кълас, æмæ фæнд кæны аразгæ интеллекты технологиты факультетмæ бацæуын. Тимур та ахуыр кæны республикæйы физикон-математикон лицейы. Дыууæ лæппуæйы дæр сты нымæцон ахуырады центр «IT-куб»-ы хъомылгæнинæгтæ. Курдиатджын фæсивæды тыххæй радзурдзæн Хъайтмазты Дзерассæ.
Уæлдæф бæлвырдгæнгæйæ, зæххыл æдасдзинад æххæст кæнын. Уый у Пухаты Георгийы проекты нысан. Бакуыста дронтæ бæрæг кæныны технологийыл.
Ныртæккæ Георгий каст фæцис 11-æм кълас. Фæнд кæны аразгæ интеллекты технологиты факультетмæ бацæуын.
Пухаты Георгий æмæ Тимур Очилов систы наукон-технологон проектты æппæтуæрæсеон конкурс «Большие вызовы»-йы призертæ. Тимур бакуыста студенттæн тестытæ кæныны системæйыл. Цымыдисæй дзуры йæ куысты тыххæй. Проект саразыны йын баххуыс кодта математикон ахуырад – лæппу ахуыр кæны физикон-математикон республикон лицейы.
Тимур æмæ Георгий сты сывæллæтты нымæцон ахуырады центр «IT-куб»-ы хъомылгæнинæгтæ. Арæзт æрцыд 2020-æм азы, æмæ æнтыстджынæй кусы нацпроект «Фæсивæд æмæ сывæллæттæ» æххæстгæнгæйæ.
Фидæны стыр бынат ахсынц информацион технологиты къабаз æмæ ацы хъуыддаг цымыдисаг кæмæн у, уыцы фæсивæд.
