филиал вгтрк государственная телерадиовещательная компания “Алания”

Стыр Уæлахизы 70 азы бонмæ. Пятигорскы ветеранты Советы уæнгтæ абон ссыдысты Дзæуджыхъæумæ. Делегацийы уæнгтæ сты хæсты ветерантæ, фронты фæсчъылдым чи тох кодта, уыдон, хæсты рæстæг идæдзæй чи баззад, ахæм сылгоймæгтæ, æфсæддон службæйы æмæ фæллойы ветерантæ. Уазджытæн æгас цæуай загътой горæты администрацийы æмæ сын радтой зæрдылдарæн лæвæрттæ. Æмбырды архайдтой æхсæнадон советы уæнгтæ, администрацийы æмæ республикæйы ветеранты советы минæвæрттæ. Делегаци уый фæстæ ацыди æфсæддон намысы бынæттæм. Бабæрæг кодтой Намысы Аллейæ, дидинджытæ æмæ веноктæ сæвæрдтой Петр Барбашовы æмæ Гæздæнты æфсымæрты цыртдзæвæнтæм. Дзæуджыхъæуы размæ уазджытæ уыдысты Елхоты дæр. Ахæм тематикон фембæлдтытæ ветеранты Совет аразы Стыр уæлахизы 70 азы бонмæ.