филиал вгтрк государственная телерадиовещательная компания “Алания”

Радон хатт гуманитарон æххуыс Ногхъæуæй арвыстой сæрмагонд æфсæддон операцийы зонæмæ. Хæрзаудæн акцийы хъæппæрисы автор у меценат Голоты Руслан. Ацы хатт фронтмæ арвыстой автомобиль УАЗ. Ууыл сæвæрдзысты радиоэлектрон тохы системæ. Уымæй дарддæр арвыстой хойраджы продукттæ, гигиенæйы фæрæзтæ, æндæр хъæугæ дзаумæттæ. Уæдæ ирон чъиритæ та скодтой бынæттон цæрджытæ. Гуманитарон уаргъ бынатмæ бахæццæ кæнынæн баххуыс кодтой æфсæддонты ныййарджыты Цæдисы регионалон хайады уæнгтæ, Фыдыбæстæ хъахъхъæнджыты республикон фонды æмæ 58-æм æфсады 48-æм мысанæхсæн полчы минæвæрттæ. Гуманитарон æххуыс баласдзысты Советон Цæдисы дыууæ хатты Хъæбатыр Плиты Иссæйы номыл полкмæ.