Специалисттæ бæрæг кæнынц, пиротехникон æрмæг кæм уæй кæнынц, ахæм бынæттæ, стæй кæсынц æдасдзинады домæнтæ дзы куыд æххæст кæнынц, уымæ
Радон иумæйаг рейд Дзæуджыхъæуы сарæзтой æнæнхъæлæджы уавæрты æмæ мидхъуыддæгты министрадты кусджытæ. Специалисттæ бæрæг кæнынц, пиротехникон æрмæг кæм уæй кæнынц, ахæм бынæттæ, стæй кæсынц æдасдзинады домæнтæ дзы куыд æххæст кæнынц, уымæ. Æдæппæтæй нæ горæты ис 4 сæрмагонд стационарон дуканийы. Фæлæ ног азы агъоммæ байгом вæййынц уæлæмхасæн уæйгæнæн бынæттæ. Уыимæ хатгай – æнæ закъонæй. Фæткмæ гæсгæ фейерверктæ æмæ салюттæ æлхæныны бар ис, 16 азæй фылдæр кæуыл цæуы, ахæм адæмæн. Æнæнхъæлæджы уавæрты министрады кусджытæ бæстон кæсынц алы хъуыддæгтæм дæр. Фыццаджыдæр – уæй кæныны бардæттæг сертификат сæм ис, æви нæй, æдасдзинады домæнтæ куыд æххæстгонд цæуынц æмæ æндæр ахсджиаг хъуыддæгтæм. Профилактикон рейдтæ цæуыдзысты ацы азы кæронмæ.
