Республикæйы хицауады сæрдар Тускъаты Таймураз та ногæй федта, Цæгат Ирыстоны социалон ахадындзинад кæмæн ис, уыцы объектты арæзтад.
Радон кусæг балц, радон фиппаинæгтæ æмæ раппæлинаг хъуыддæгтæ. Республикæйы хицауады сæрдар Тускъаты Таймураз та ногæй федта, Цæгат Ирыстоны социалон ахадындзинад кæмæн ис, уыцы объектты арæзтад.
Куыд Ирыстоны иннæ районты, афтæ Æрæфы районы дæр фæстаг азты фæзынд æмæ куыст цæуы бирæ ног арæзтадон объектыл. Сæ иу – цæугæдон Æрæфы сæрты Цыколайæ Хæзныдонмæ цы хид цæуы, уый.
Хиды арæзтадыл куыст куыд цæуы, уый федта Хицауады сæрдар. Фæндæгты арæзтады комитеты сæрдар Солиты Тариел радзырдта, куыстытæ куыд цæуынц, уый тыххæй.
Национ музейы арæзтадыл куыд куыст цæуы, уымæй дæр разыйæ баззад Тускъайы-фырт. Ныры онг куыстытæн конд æрцыд се 70 проценты онг.
Федта, Дзæуджыхъæуы æртæ скъолайы арæзтадыл, фæстаг балцæй абоны онг куыд бацархайдтой, уый. 19-æм микрарайоны 1100 скъоладзауæн ахуыргæнæндоны арæзтадон куыстытæй ахызтысты мидæггаг куыстытæм. Ам сывæллæттæм æнхъæлмæ кæсы канд райдзаст æмæ уæрæх кълæстæ нæ, фæлæ ма стыр актон зал. Ахæм Ирыстоны скъолатæй иуы дæр нæй. Объект радтын фæнд кæнынц афæдзы кæронмæ. Суададжы рæвдауæндоны та премьерæн йæ хъомылгæнинæгтæ бакастыты æмдзæвгæтæ дæр. Федта сын сæ уавæртæ, стæй ног къордты бæстыхайы арæзтад. Уæвгæ Федералон программæмæ гæсгæ Цæгат Ирыстоны куыст цæуы 19 ахæм бæстыхайыл. Се ппæты дæр уыдзæн 55 сабийæн бынат. Цыбыр рæстæгмæ зынгæ куыст бакодтой Хæзныдоны, Æрыдоны, Дигорайы , Змейкæйы, Кæрдзыны рæвдауæндæдты.
Экологон уавæрыл дзурæг объектты арæзтадыл куыстытæ феныны нысанимæ та, Тускъайы фырт ацыд Фыййагдонмæ æмæ Уыналмæ. Фыййагдоны зианхæссæг хауæццæгтæ фесафынæн Федералон нысанон программæмæ гæсгæ цы фæрæзтæ дихгонд æрцыдысты, уыдоны руаджы, куыстытæ конд цæуынц æхсæвæй бонæй. Тускъаты Таймураз бабар кодта, цæмæй афойнадыл хъусын кæной, сæ размæ цы фарстатæ сæвзæры, уыдоны тыххæй, æмæ куыстытæ къуылымпы ма æййафой.
Кæронбæттæн куыстытæм бавнæлдтой, Уыналы зианхæссæг буаргъæдтæ бирæ азты кæм æмбырд кодтой, уыцы бынаты. 19 гектары фæзуат бахус кодтой, ламидæттæй тæссаг ран та сæвæрдтой быру, цæугæдон Æрыдоныл та ма фанд канынц дамбæ саразын.
Нартыхъæуы культурæйы хæдзары бындурон цалцæг дæр кæронмæ фæхæццæ кæны. Хъæуы цæрджытæн фадат уыдзæн райдзаст æмæ хъарм бæстыхайы сæ уæгъд рæстæг æрвитынæн. Фасивæдæн та ма Нартыхъæуы æмæ Дигорайы арæзт цæуы спортивон фæзтæ. Уыдзæн дзы нырыккон гæнæнтæ спортивон цæттæдзинад хуыздæр кæнынæн. Дигорайы спортивон фæз у 5 мин кадратон метры. Кусæг балцы хатдзæгтæй Хицауады сæрдар баззад разыйæ.
Объектты фылдæр хай фæнд кæнынц эксплуатацийы радтын афæдзы кæронмæ.
