Бæрæг кодтой, адæм æхсæнадон бынæтты æдасдзинады мадзæлттæ куыд æххæст кæнынц, æмæ хи хъахъхъæнæн фæрæзтæ дарынц, æви нæ, уый
Радон рейды рацыдысты Уæрæсейы фæлхасадмæ цæстдарды республикон Управленийы специалисттæ, стæй промышленносты æмæ транспорты министрады минæвæрттæ. Бæрæг кодтой, адæм æхсæнадон бынæтты æдасдзинады мадзæлттæ куыд æххæст кæнынц, æмæ хи хъахъхъæнæн фæрæзтæ дарынц, æви нæ, уый. Уæвгæ, бæрнон кусджытæ куыд бафиппайдтой, афтæмæй фæстаг рæстæг адæм сæхи дарынц бæрнондæр. Моргуаты Ладæ радзурдзæн бæлвырддæр.
Кæд ма иуæй-иу бæлццæттæ сты æнæ маскæтæй, уæддæр фæстаг рæстæг сæ нымæц дзæвгар фæкъаддæр. Уый сæрмагонд профилактикон куысты фæрцы.
Адæм уавæр кæй æмбарынц æмæ сæрмагонд фæтк кæй æххæст кæнынц, уый хорз у. Фæлæ специалистты хъуыдымæ гæсгæ рейдтæ куы нæ аразиккой, уæд фылдæр адæм уаиккой æнæ маскæтæй. Гуытъиаты Таймураз маршрутон таксийы шофырæй кусы 10 азы. Æмæ зæгъы, ног домæнтыл кæй сахуыр. Фæлæ се ппæт бæлццæттæ разы нæ вæййынц маскæ скæныныл.
Статистикæйы бæрæггæнæнтæм гæсгæ адæмæн се 85 æххæст кæнынц сæрмагонд уавæры домæнтæ. Ис ма ахæмтæ дæр, æмæ маскæтæ йæ дзыппы чи дары, скæнынц сæ рейды рæстæг.
Иумæйаг рейдтæм рацæуынц фæлхасадмæ цæстдарды управленийы, промышленносты æмæ транспортыминистрады кусджытæ. Бæлцæттæм сидынц, маскæтæ дарынмæ. Маршрутон такситы шофыртæн канд сæ гæххæттытæ нæ бæрæг кæнынц, фæлæ ма куыд ифтонг сты хи хъахъхъæныны фæрæзтæй, уый.
Бирæ адæм разы не сты ахæм рейдтæй. Фæлæ æдасдзинад у сæйрагдæр, зæгъынц специалисттæ. Профилактикон куыст цæудзæн дарддæр дæр.
