Фарон сылгоймагæй адавдæуыд 1 милуан æмæ 650 мин сомы
Радон цæстфæлдахæн ми раргом кодтой республикæйы мидхъуыддæгты министрады кусджытæ. Фарон сылгоймагæй адавдæуыд 1 милуан æмæ 650 мин сомы. Сæ хъаст бахастой пъæлицæмæ, æмæ сын бантыст фыдракæнды аххосджыны сбæрæг кæнын. Бæлвырддæр радзурдзæн Гуытъиаты Алинæ.
Фарон пъæлицæмæ йæ хъаст бахаста сылгоймаг. Куыд бамбарын кодта, афтæмæй ссис цæстфæлдахæн миты амæттаг. Йæ зонгæ нæлгоймаг дзы хинæй расайдта иу милуан æмæ æхсæзсæдæ фæндзай мин сомы. Бæлвырддæр та сылгоймаг йæ мойымæ базонгæ сты иу нæлгоймагимæ. Йæхи рахуыдта Алыксандр. Уый сын радзырдта æфтиаджы ног хуызы – крипотвалютæйы тыххæй. Бæлвырд сын бацамыдта, цы хъæуы саразын, цæмæй стыр æфтиаг райсой, уый тыххæй.
Хъыгдарбаййафæг стыр бузныг загъта барадхъахъхъæнджытæн сæ сæрæн куысты тыххæй. Куыд бафиппайдта, афтæмæй æнхъæл нæ уыдис, фыдракæнд кæй раргом кæндзысты, уымæй.
