Историон объекты рацарæзт ныридæгæн дæр райдыдта
Рагон Дзæуджыхъæуы сæйраг символтæй иу, зындгонд Гранд-отель сног кæндзысты. Историон объекты рацарæзт ныридæгæн дæр райдыдта. Специалисттæ куыд зæгъынц, афтæмæй ахсджиаг у, бахъахъхъæнын æрмæст йæ бæстыхай нæ, фæлæ сæйрагдæр – йæ фыццагон хуыз. Бæлвырддæр хабæрттæ радзурдзæн Хъайтмазты Дзерассæ.
Зæронд горæты сæйраг нысантæй иу – Дзæуджыхъæуы фыццаг æмæ æппæтæй стырдæр уазæгдзæрæн – гранд-отелыл цæуы 130 азæй фылдæр. Æрæджы бæстыхайы райдыдтой цалцæггæнæн куыстытæ. Фæстаг азты гранд-отель уыд зæрдæхсаинаг уавæры.
Ацы бæстыхай сарæзтой 1887-æм азы. Хуызистытыл – уазæгдзæрæны сæвзæрды истори. Фыццагыл – уæд нырма Мæскуыйаг уынджы æмæ Александровский проспекты тигъыл зыны Резаковы зæххы хай, иннæ хуызистыл – та йыл фæзынд фысымуат «Франция». Фыццаг афтæ хуынди, 19-æм æнусы 90-æм азты та сси Гранд-Отель.
Цалдæр азы размæ Гранд-отель, сæрмагондæй та – дыккаг уæладзыг балхæдта ног хицау. Ахæм уавæры уыдис бæстыхай уæд. Арæзт æрцыд историон-культурон экспертизæ. Афтæмæй чи рабæрæг, культурон намысы ахæм объектæн радтой, регионалон нысаниуæг кæмæн ис, ахæм цыртдзæвæны статус. Архитектурæйы цыртдзæвæн бахъахъхъæныны æмæ йæ нырыккон уавæртимæ сбæттыны проектыл баныхас кодтой профилон комитетимæ фарон.
Николай Целиди, Республикæ Цæгат Ирыстон-Аланийы культурон намысы объекттæ хъахъхъæныны комитеты хайады хицау: 21.27. комитетом было выдано задание на проектные работы, собственник заключил договор на проектные работы с организацией, которая имеет лицензию Минкульта РФ, та, которая имеет возможность работать именно на объектах культурного наследия. 22.24. после этого собственник уже заключил договор на исполнение данных работ тоже с организацией которая имеет лицензию минкульта РФ.
Ахæм у ног, 4 стъалыйы кæмæн ис, ахæм фысымуаты проект. Йæ хицау ныхас радта, историон балкъонтæ сæ раздæры хуызмæ гæсгæ кæй сног кæндзæн, баивдзæн сын сæ цæджындзтæ, бацархайдзæн, æддаг бакасты историон хуыз бахъахъхъæныныл. Проект æххæст кæнынмæ лæмбынæг цæст дарынц профилон комитеты кусджытæ.
Афæдзы кæронмæ бæстыхайы куыстытæ фæнд кæнынц фæуын. Уæд райдайдзæн Гранд-отелы ног цард.
