Ацы аз йæ тыллæг у къаддæр, боныхъæды уавæртæм гæсгæ
Рахизфарсы районы аграрон кусджытæ фæвæййынц расп æфснайæн куыстытæ. Ацы аз йæ тыллæг у къаддæр, боныхъæды уавæртæм гæсгæ. Фæлæ зынгæ сырæзт мæнæуы тыллæг. Районы хъæууонхæдзарадон куыстуæттæй иуы тыххæй радзурдзæн Чехойты Фатимæ.
Иу гектарæй 8 центнеры фæззыгæнд рапс. Ахæм тыллæг авдисы хъæууонхæдзарадон куыстуат Зæронд Бæтæхъойы хъæуы фарсмæ. Æфснайæн куыстытæ райдыдтой ацы къуыри. Алы бон дæр 4 комбайны рацæуынц быдырмæ. Ацы куыстуаты рапс ныссагътой 500 гектарæй фылдæр. Сæйраг агроном Кцойты Владимиры ныхæстæм гæсгæ, ныридæгæн уал бафснайдтой 3 хайæ 2. Ацы аз раздæры азтимæ абаргæйæ тыллæг къаддæр у – сæрды райдиан уæлдæфы температурæ уыд бæрзонд, къæвдатæ та стæм хатт уыди.
Хъæууонхæдзарадон куыстуат ныссагъта алыхуызон культурæтæ. Кæд рапсы тыллæг ацы аз къаддæр у, иннæ азтимæ абаргæйæ, уæд мæнæуы быдыртæ сты бæркадджындæр. 125 гектары ныссагътой 3 хуызы нæмыджы культурæ.
Рапс æмæ мæнæу Рахизфарсы районы сты сæйраг культурæтæ. Уыдон ахсынц 5 гектары. Уыдонæй уæлдай ма ам сагъд ис нартхор æмæ лыстæг гæн. Ацы культурæтæ æфснайдзысты фæстæдæр.
Рахизфарсы районы хæстæгдæр бонты фæуыдзысты фæззыггæнд рапс æфснайыны куыстытæ. Уый фæстæ ралæудзæн мæнæуы рад. Æфснайæн куыстытæ Рахизфарсы районы цæуынц фæткмæ гæсгæ. Зæхкусджытæ сæ зæрдæ дарынц, æрдзы фæзындтæ сæ кæй нæ фæкъуылымпы кæндзысты, ууыл.
