Адæмон фронты фæсивæдон къорды уæнгтæ сæмбырд кодтой æмæ районы центрон библиотекæйæн балæвар кодтой 200 рауагъды
Рахизфарсы районы арæзт æрцыд акци «Хæлардзинады марафон хъæуккаг библиотекæйæн». Адæмон фронты фæсивæдон къорды уæнгтæ сæмбырд кодтой æмæ районы центрон библиотекæйæн балæвар кодтой 200 рауагъды. Се хсæн аивадон æмæ наукон-популярон литературæ. Библиотекæйы кусджытæ сыл тынг бацин кодтой. Кæцыдæр экземпляртæй фæхъæздыгдæр кæндзысты рагон рауагъдадты равдыст. Иннæтæ скæндзысты регистраци, æмæ сæ ратдзысты хъæуккаг филиалтæн. 3 азы размæ кæй рацарæзтой, уыцы моделон библиотекæ уарзондæр бынат сси Беслæны сывæллæттæн, фæсивæдæн æмæ хистæр кары адæмæн дæр. Ныртæккæ дзы ис æппæт фадæттæ цымыдисаг проекттæ æмæ хъæппæристæ царды уадзынæн. Адæмон фронты хæлардзинады марафон нæ республикæйы фыццаг хатт арæзт не рцыд. Раздæр уал æхсæнадон кусджытæ фæхъæздыгдæр кодтой Алагиры районы библиотекæты фонд. Чингуытæ баластой Фыййагдоны, Буроны æмæ Мызуры библиотекæтæм.
