14 марта 2018, 14:00
Райдыдта Аланийы Лигæйы хъæлдзæг æмæ цыргъзонд клубы радон сезон
Цæгат Ирыстоны паддзахадон университеты концертон залы сценæмæ рацыд 10 командæйы. Се хсæн ног коллективтæ æмæ, ныридæгæн республикæйы кæй базыдтой, ахæм командæтæ дæр.
Райдыдта Аланийы Лигæйы хъæлдзæг æмæ цыргъзонд клубы радон сезон.
Цæгат Ирыстоны паддзахадон университеты концертон залы сценæмæ рацыд 10 командæйы. Се хсæн ног коллективтæ æмæ, ныридæгæн республикæйы кæй базыдтой, ахæм командæтæ дæр. Хъæлдзæг номыртæ бацæттæ кодтой алыхуызон актуалон темæтæм гæсгæ. Стыр æргом аздæхтой Уæрæсейы Президенты æвзæрстыты бонмæ. Уымæй дарддæр лæппутæ æмæ чызджытæ юморы уылты фæхудтысты нырыккон фæсивæды хи дарыны уагыл дæр. Ома, бирæты ахуыр кæнын æмæ кусын дæр кæй нæ фæнды, ууыл. Уæвгæ, залы къух бакæнæн нæ уыд. КВНмæ бакæсынмæ æрбацыдысты Паддзахадон думæйы депутат Мæхъиты Зураб æмæ Цæгат Ирыстоны Парламенты Сæрдары фыццаг хæдивæг Тотоонты Алыксандр. Хъазты ацы этап уыд æвзарæн. Йæхи хуыздæр чи равдыста, уыдон бацæудзысты Аланийы Лигæйы финалы цыппæрæм хаймæ. Жюри уал ахæм бар радта 9 командæйæн. Сезон фæуыдзæн ацы азы кæрон. Уæлахиздзау командæ ацæудзæн Сочимæ КВНы фестивальмæ. Уыдзæн 2019-æм азы январы.
Цæгат Ирыстоны паддзахадон университеты концертон залы сценæмæ рацыд 10 командæйы. Се хсæн ног коллективтæ æмæ, ныридæгæн республикæйы кæй базыдтой, ахæм командæтæ дæр. Хъæлдзæг номыртæ бацæттæ кодтой алыхуызон актуалон темæтæм гæсгæ. Стыр æргом аздæхтой Уæрæсейы Президенты æвзæрстыты бонмæ. Уымæй дарддæр лæппутæ æмæ чызджытæ юморы уылты фæхудтысты нырыккон фæсивæды хи дарыны уагыл дæр. Ома, бирæты ахуыр кæнын æмæ кусын дæр кæй нæ фæнды, ууыл. Уæвгæ, залы къух бакæнæн нæ уыд. КВНмæ бакæсынмæ æрбацыдысты Паддзахадон думæйы депутат Мæхъиты Зураб æмæ Цæгат Ирыстоны Парламенты Сæрдары фыццаг хæдивæг Тотоонты Алыксандр. Хъазты ацы этап уыд æвзарæн. Йæхи хуыздæр чи равдыста, уыдон бацæудзысты Аланийы Лигæйы финалы цыппæрæм хаймæ. Жюри уал ахæм бар радта 9 командæйæн. Сезон фæуыдзæн ацы азы кæрон. Уæлахиздзау командæ ацæудзæн Сочимæ КВНы фестивальмæ. Уыдзæн 2019-æм азы январы.
темæмæ гæсгæ
