филиал вгтрк государственная телерадиовещательная компания “Алания”

Райдыдта Дзæуджыхъæуы историон хайы рацарæзт. Нысантæм гæсгæ горæты администрацийы специалисттæ бакæндзысты стыр куыст. Ныры онг уал бацæттæ кодтой бæлвырд амындтытæ, чысыл бизнесы чи архайы, уыцы амалхъом адæмæн. Ома бирæ куыстуæттыл æмæ архитектурон бæстыхæйттыл цы фыстытæ æмæ элементтæ вæййы, уыдон дзуапп нæ фæдæттынц горæты иумæйаг æддаг бакастмæ æмæ зынгæ хицæн кæнынц рагон Дзæуджыхъæуы историон бæстыхæйттæй. Горæты администрацийы бæрнон кусджытæ фæнд кæнынц закъонмæ гæсгæ баныхас кæнын бæстыхæйтты хицæуттимæ, цæмæй бæстон базилой нæ уарзон Дзæуджыхъæумæ, æмæ йын раздахой йæ рæсугъд историон хуыз.