Преми дæттыны кадджын мадзал арæзт æрцæудзæн Къостайы райгуырæн бон 15-æм октябры 2024-æм азы
Цæгат Ирыстоны Сæргълæууæджы цур райдыдта ацы азы Хетæгкаты Къостайы номыл преми райсынмæ курдиæттæ бадæттыны рæстæг, литературæ æмæ аивады къабазы. Преми дæттыны кадджын мадзал арæзт æрцæудзæн Къостайы райгуырæн бон 15-æм октябры 2024-æм азы. Ацы аз йæ райгуырдыл æххæст кæны 165 азы. Паддзахадон премийы уагæвæрд хынцгæйæ, республикæйы Сæргълæууæджы 28-æм майы 2018-æм азы Указмæ гæсгæ, преми райсынмæ ист цæуынц авторон уацмыстæ, уыимæ куыд хицæн авторты, афтæ авторон коллективты дæр. Ахсджиаг у, цæмæй зынгæ æврæн бахæссой Ирыстоны аивадон культурæмæ. Уыцы уацмыстæ хъуамæ базоной, куыд гæнæн ис, афтæ фылдæр адæм. Хъуамæ парахат кæной дыууæ азы дæргъы – 2022-æм, 2023-æм, æмæ суанг 2-24-æм азы 1-æм январы онг. Паддзахадон преми райсынмæ курдиæттæ бадæттæны бон у Цæгат Ирыстоны æххæстгæнæн хицаудзинады æмæ бынæттон хиуынаффæйады оргæнтæн, республикæйы сфæлдыстадон цæдистæн, æхсæнадон иугæндтæн, наукон æмæ сфæлдыстадон организацитæн, газетты æмæ журналты редакцитæн, стæй уæлдæр ахуырады ахуырадон организацитæн. Документтæ æмæ æрмæджытæ къамисмæ бадæттæн ис ацы азы 1-æм апрелæй 31-æм майы онг. Дзæуджыхъæуы Сæрибары фæзы 1-æм хæдзары 301-æм кабинетмæ къуырисæрæй майрæмбоны онг 14 сахатæй 17 сахатмæ. Бæлвырддæр хабæрттæ базонæн ис ахæм телефонтæй 53-08-22, 53-39-06
