филиал вгтрк государственная телерадиовещательная компания “Алания”

Райдыдта республикон программæ «Ирыстоны Намыс»-ы дыккаг модуль. Йæ темæ у «Экономикæ æмæ финанстæ». Проекты архайджытæм æнхъæлмæ кæсынц лекцитæ, семинартæ æмæ тренингтæ. Президентон академийы паддзахадон разамынды Уæлдæр скъолайы фæлтæрдджын педагогтæ æмæ эксперттæ сæрмагонд æфсæддон операцийы архайджытæн радзурдзысты экономикæйы къабæзты, паддзахадон æмæ муниципалон финансты, стæй Цæгат Ирыстоны дæнцæгыл регионы экономикæ куыд аразгæ у, уый тыххæй. Уыдзæн ма экскурситæ республикæйы куыстуæтты æмæ зондамонджытимæ куыст. Дыккаг модуль байгом кæныны кадджын мадзалы архайджытæн раарфæ кодта Хицауады сæрдары хæдивæг Платы Альбинæ. Йæ зæрдæ сын загъта, проектмæ гæсгæ æнтыстджынæй бакусын.