Ацы аз дзыллон ирхæфсæн мадзæлттæ снысан кодтой 13-æм мартъимæ
Райдыдта уалдзыгон бæрæгбæттæн сæ рæсугъддæртæй иу – цæрвкъахæнтæ. Зымæгæн фæндараст, уалдзæгæн та «æгасцуай» зæгъын, уыимæ зарджытæ, кæфтытæ æмæ хъæлдзæг зæрдæйы ахастимæ. Ацы аз дзыллон ирхæфсæн мадзæлттæ снысан кодтой 13-æм мартъимæ. Дзæуджыхъæуы культурæйы управлени, æхсæнад «Русь», республикæйы хæлардзинады хæдзар æмæ фæсивæды хъуыддæгты фæдыл комитет бæрæгбоны мадзæлттæ бацæттæ кодтой центрон парчы. Бæлвырддæр Касаты Наирæйы æрмæджы.
Рæсугъд æнкъарæнты, уды сыгъдæгдзинады æмæ фæлмæн ахастдзинæдты бæрæгбон. Алы æрбацæуæджы дæр суазæг кæнын æмбæлы лауызтæй.
Лауызтæ скæнын алы аххосæгты тыххæй йæ бон кæмæн нæу, уыдонæн та æххуысы хуызы æхсæнадон хæрæндæттæ. Цæрвкъахæнты къуыри ацы продукци фæлхасгæнæг фæагуры уæлдай тынгдæр.
Уалдзæджы райдианы фидауцы рецепттæ сты тынг бирæ, зæгъы хæринаггæнæг Годжиты Зæринæ. Зæгъæм бирæтæ сæ кæнынц æхсырыл, кæнæ мисыныл, иннæтæ æнхъизæныл, ис дзы суанг диетæйы рæстæг чи бæззы, ахæм рецепт дæр. Фæлæ традицион адæмæн у æппæтæй уарзондæр.
Бæрæгбон зарджытимæ, кæфтытимæ æмæ хъæлдзæгдзинадимæ ахæссы къуыри, æмæ уый æрмæст традици нæу. Зымæгæн фæндараст зæгъгæйæ, адæм æгасцæуай фæзæгъынц хурæн, уалдзæгимæ та ног цардæн.
Ацы аз дзыллон ирхæфсæн мадзæлттæ снысан кодтой 13-æм мартъимæ. Дзæуджыхъæуы культурæйы управлени, æхсæнад «Русь», республикæйы хæлардзинады хæдзар æмæ фæсивæды хъуыддæгты фæдыл комитет бæрæгбоны мадзæлттæ бацæттæ кодтой центрон парчы.
Бæрæгбоны къуырийы фæстаг бон та традицимæ гæсгæ басуддзысты цæрвкъæхæнты символы сурæт, уæд уалдзæг дæр йæ бартæ райсдзæн æххæстæй.
