26 февраля 2025, 10:41
Райдыдтой курдиæттæ исын акци «Сæ цæсгæмттæм сын бакæс»-ы архайынмæ
Ацы аз арæзт цæуы 5-æм хатт
Райдыдтой курдиæттæ исын акци «Сæ цæсгæмттæм сын бакæс»-ы архайынмæ. Мадзал нæ республикæйæн сси традицион. Ацы аз арæзт цæуы 5-æм хатт. Адæмæн сæ хъæбатырты тыххæй бæрæггæнæнтæ бадæттыны фадат уыдзæн 17-æм мартъийы онг. Курдиат бадæттæн ис бирæвæрсыг центрты уылты Доваторы проспекты, Мичурины æмæ Цоколаты Геннадийы уынгты. Уый тыххæй фехъусын кодта Сергей Меняйло. Куыд загъта, афтæмæй 2021-æм-2024-æм азты рекламон конструкцитыл цы ветеранты портреттæ уыд, уыдон ацы аз æвæрд æрцæудзысты æнæ курдиæттæй. Акцийы архайд у лæвар. Фыдыбæстæйы Стыр хæсты ветеранты портреттæ рекламон конструкцитыл æвæрд цæудзысты 1-æй 10-æм майы онг.
темæмæ гæсгæ
