Сывæллæтты фыдуаг митæн ныхкъуырд, горæты æнцонвадат архайды проект
Районты сæргълæуджыты Советы æрдзырдтой царды ахсджиаг фарстатыл. Сывæллæтты фыдуаг митæн ныхкъуырд, горæты æнцонвадат архайды проект, амалхъом адæмы ахадындзинад æмæ æндæр фарстатыл.
Горæты æнцонвадат архайд у царды хæрзхъæддзинады æвдисæн. Ахæм хъуыдыйыл хæст у республикæйы архитектурæйы æмæ горæты арæзтады комитеты сæрдар Цæллагты Алыксандр. Уый дæнцæгæ æрхаста цалдæр объектты, кæцытæ дзуапп нæ дæттынц нырыккон домæнтæн. Федералон проекттæ царды рауадзыны фарста раздæрау ахсджиаг у муниципалон скондты Советы Разамындæн æмæ йæм азæдæхтой стыр æргом.
Разамынды уæнгтæ æрдзырдтой Конституцимæ ивддзинæдтæ бахæссыны фæдыл хъæлæс кæныны уаг цы хуызы ис саразæн, ууыл дæр. Уыдзæн 22 апрелы æмæ нымад у фæлладуадзæн боныл. Хатдзæгтæ ма скодтой сывæллæтты хсæн фыдракæндтæ цæмæ гæсгæ рæзынц. Советы уæнгтæ ма æркастысты республикæйы зæххыты кадастрон аргъы лыггæнинаг фасртатæм.
Куыд ис фылдæр, афтæ æххуыс кæнын бизнесæн, ахæм уыд Медойти Тимуры сидт районты разамонджытæм. Амалхъом адæмы бартæ хъахъхъæнæг дæнцæгæн æрхаста чи райрæзт, ахæм куыстуæттæ.
Уымæй уæлдай ма Медойты Тимур радзырдта бизнесы архайджыты фæрцы куыд ис сывæллæтты фыдуаг миты ныхмæ архайæн
Муниципалон скондты сæргълæуджыты зæрдыл ма æрлæууын кодтой тагъд сын сæ куыстæн аргъ кæй кæндзысты 3 балмæ гæсгæ. 0 – уый тынг æвзæр, 3 баллы та нымад у ахадгæйыл.
