Абон кинолентæйы сфæлдыстадон къорды минæвæрттæ Сæрибардзинады фæзы сæмбæлдысты, ам сын съемкæтæ саразынæн чи æххуыс кодта, уыдонимæ. Горæты сæйраг фæзы ныридæгæн сæвæрдтой заз бæлас, стæй бæрæгбоны концерты архайджытæ кæм зардзысты, уыцы сценæ.
Абон кинолентæйы сфæлдыстадон къорды минæвæрттæ Сæрибардзинады фæзы сæмбæлдысты, ам сын съемкæтæ саразынæн чи æххуыс кодта, уыдонимæ. Горæты сæйраг фæзы ныридæгæн сæвæрдтой заз бæлас, стæй бæрæгбоны концерты архайджытæ кæм зардзысты, уыцы сценæ. Съемкæтæ райдайдзысты 18 сахатыл. 15 сахатæй фæстæмæ та фæз уыдзæн æхгæд. Куыд ма хъусын кодтам, афтæмæй Дзæуджыхъæуы цæрджытæ хъуамæ саразой дамгъæ «М» фыст «С Новым годом!»-ы. Уый тыххæй сæ хъæудзæн æрбацæуын ирд уæлæдарæсы, стæй Ног Азы атрибутикæимæ. Кинонывы архайынмæ курдиæттæ балæвæрдтой 700 адæймагæй фылдæр.
Дзгойты Иринæ, Дзæуджыхъæуы администрацийы культурæйы управленийы хицауы хæстæ æххæстгæнæг: «Тынг æхсызгон бон у Дзæуджыхъæуы махæн, тынгдæр та фæсивæдæн, ист цæудзæн киноныв «Елки 3». Алы дугæн дæр ис хицæндзинæдтæ, уыдон сты урзон зарджытæ, уарзон кинонывтæ æмæ ныры фæлтæрæн ахæм уарзон у киноныв «Елки». Тынг æхсызгон нын у, æмæ Уæрæсейы бирæ горæттæй Дзæуджыхъæу кæй равзæрстой, æмæ ист кæй цæудзæн ам».
