Сæ куыстытæ йæм бацæттæ кодтой Санкт-Петербурджы сфæлдыстадон рæзты æмæ гуманитарон ахуырады Центры хъомылгæнинæгтæ
«Культурон код – Санкт-Петербург – сывæллæтты цæстæнгас». Ахæм сæргондимæ равдст байгом Тауаситы Сослæнбеджы номыл сывæллæтты аивадон скъолайы. Сæ куыстытæ йæм бацæттæ кодтой Санкт-Петербурджы сфæлдыстадон рæзты æмæ гуманитарон ахуырады Центры хъомылгæнинæгтæ. Нывтæ конд сты алы техникæты: нывкæнынад, графикæ, керамикæ, коллаж æмæ аппликаци. Уæлдай парахатдæр техникæтæ сты гравюрæ æмæ керамикæ. Экспозици æвдисы Петербурджы æвзонг цæрджыты цæстæнгас сæ уарзон горæтмæ. Архитектурон цыртдзæвæнтæ, горæты цæрджыты портреттæ, Невайы цæугæдон, культурон æмæ спортивон цард. Дыууæ азы размæ дæр, Васильевскийы уынджы Центры ахæм равдыст уыдис. Уæд дæр дзы сæ курдиат раргом кодтой Дзæуджыхъæуы чысыл нывгæнджытæ. Тауаситы Сослæнбеджы номыл скъолайы ахуыргæнинæгтæ, Нартиадæйы аз æххæст кæнгæйæ, Санкт-Петербурджы цæрджыты размæ рахастой уникалон проект «Давным-давно у Солнца были дети».
