Бакуыстой йыл командæ «Навигаторы детства» стæй Фыццæгты змæлды уæнгтæ
«Блокадæйы хъæлæс». Ахæм сæргондимæ равдыст байгом Мæздæджы районы культурæйы Галуаны. Бакуыстой йыл командæ «Навигаторы детства» стæй Фыццæгты змæлды уæнгтæ. Адæмы цæстыты раз ногæй æрлæууын кодтой блокадон Ленинграды нывтæ. Сæмбырд кодтой, абарæн кæмæн нæй, ахæм цымыдисаг историон æвдисæнтæ. Уæд Ленинграды цæрджытæ цæмæй æмæ куыд цардысты, куыд ахуыр кодтой. Цæстыты раз фестадысты хæсты азты нывтæ. Таня Савичевайы боныг, тематикон æмдзæвгæтæ æмæ зарджытæ – сывæллæттæ кастысты мысинæгтæ, бацæттæ кодтой театрализацигонд инсценировкæтæ. Алы æрмæг дæр баст уыд Ленинграды сывæллæттимæ. Сæ нымæц та уыд 400 минæй фылдæр. Веселæйы хъæуы скъолайы кадеттæ бацæттæ кодтой вальс, Национ гвардийы 3737-æм хайы æфсæддон оркестр та ацагъта «Уæлахизы Марш». Мадзалы архайджытæн ма фадат уыд скъолаты музейты экспонаттимæ базонгæ уæвынæн.
