Экспозицийы фенæн ис Уæрæсейы нывгæнджыты Цæдисы уæнгтæ Фергана Новрузова æмæ Сабанты Ирбеджы куыстытæ
«Фæззыгон комплимент». Ахæм сæргондимæ равдыст байгом Мæздæджы районы культурæйы Галуаны. Экспозицийы фенæн ис Уæрæсейы нывгæнджыты Цæдисы уæнгтæ Фергана Новрузова æмæ Сабанты Ирбеджы куыстытæ. Аивадуарзджыты зонгæ кæнынц нырыккон нывкæнынадимæ алы жанрты фæрцы: пейзаж, натюрморт, портрет æмæ алыхуызон компзицитæ. Алчидæр банкъардзæн экспонатты арф хъуыды æмæ мидис. Равдыст байгом кæныны мадзалы архайдтой æвзонг нывгæнджытæ, Мæздæджы аивадон скъолайы педагогтæ, æхсæнадон кусджытæ. Бынæттон администрацийы номæй раныхас кодта культурæйы хайады хицау Юлия Потоцкая. Нывгæнджытæн загъта бузныг, ахæм рæсугъд аивадон мадзалы тыххæй. Равдыст фенæн уыдзæн 15-æм декабры онг.
