Ацы аз вернисажы архайы 14 авторы, 25 азæй – 80 азы онг кæуыл цæуы, ахæмтæ
Равдыст «Сфæлдыстадон альянс»-ы баиу сты Уæрæсейы нывгæнджыты цæдисы уæнгты хуыздæр куыстытæ. Экспозицийы алы жанрты 100 нывæй фылдæр: нывкæнынад, скульптурæ, графикæ, æмæ Æрмдæсныйад. Ацы аз вернисажы архайы 14 авторы, 25 азæй – 80 азы онг кæуыл цæуы, ахæмтæ. Равдысты цы куыстытæ равæрдтой, уыдон хаст æрцæудзысты аивадон альбоммæ. Баст уыдзæн нæ республикæйы нывгæнджыты цæдисы юбилеимæ. Ацы аз ыл æххæст кæны 80 азы. Экспозицийыл афæлгæст Фидараты Маринæ.
Нæй тыгъдад æмæ нæй рæстæг. Ацы хъуыды æвæрд у нывгæнæг Айларты Оланнæйы сфæлдыстады бындуры. Сывæллон ма куы уыди, уæд æм æрцыди. Уæд стыр æргом здæхта чингуытæ кæсынмæ. Бæстон иртæста йæ ныййарджыты библиотекæ. Уыдон дæр сты нывгæнджытæ. Оланнæйы бæллиц сæххæст. Ныртæккæ у нæ республикæйы зындгонддæр дзуарынывтæ фысджытæй иу. Йæ аивадон къæбицы дыууæ дæсныйады. Нывгæнæгæй дарддæр ма райста чырыстон дины ахуырад дæр. Дзуары нывтæ фыссыныл сахуыр кодта Мæскуыйы дины семинарийы. Уæрæсейы нывгæнджыты цæдисы къамис ын йæ куыстытæн скодта стыр аргъ.
Равдыст «Сфæлдыстадон альянс»-ы равæрдтой 14 нывгæнæджы куыстытæ. Нырæй фæстæмæ се ппæт дæр сты Уæрæсейы нывгæнджыты цæдисы уæнгтæ. Ацы ахсджиаг цауы фæдыл сын раарфæ кодтой Цæгат Ирыстоны Парламенты уæнгтæ æмæ меценаттæ. Кцойты Виталий ныры онг зонгæ у канд нæ республикæйы нæ, фæлæ фæсарæнты дæр. Йæ къухтæй цы къулыл ауындзгæ сахаттæ скæны зынаргъ хъæдæрмæгæй, уыдонæн аргъ скодтой Италийы æмæ Араббаг Эмиратты аивадуарзджытæ дæр. Иу экспонаты аргъ у дæсгай мин сомы.
Цæгат Ирыстоны нывгæнджыты цæдисы сæрдар Мæргъиты Таймураз куыд радзырдта, афтæмæй йæхæдæг дæр кæддæр бæллыд зындгонд æмæ хъуыстгонд аивадон архайæг суæвынмæ.
Равдысты цы куыстытæ равæрдтой, уыдон хаст æрцæудзысты аивадон альбоммæ. Баст уыдзæн нæ республикæйы нывгæнджыты цæдисы юбилеимæ. Цæгат Кавказы нымад у æппæтæй егъаудæрыл. Йæ рæнхъыты ис 200 адæймаджы. Ацы аз цæдисыл æххæст кæны 80 азы. Уый кадæн арæзт цæудзысты бæрæгбоны мадзæлттæ. Фыццаджыдæр, кæй зæгъын æй хъæуы, ирд æмæ зæрдæмæдзæугæ экспозицитæ.
