филиал вгтрк государственная телерадиовещательная компания “Алания”

Æрæджы та фæзынд рæвдауæндонмæ электрон рады слæууыны фадат. Хъæуы æрмæстдæр ахуырады æмæ наукæйы министрады сайтмæ бацæуын, æмæ æмбæлгæ информаци бадæттын. Фæлæ алы компьютерон программæ куыд у, афтæ рæвдауæндæттæм электрон рад дæр иудадзыг æнæ къуылымпытæй нæ фæкусы. Уый нæ хынцгæйæ, æрыгон ныййарджытæ сæ зæрдæ дарынц, электрон рады фæрцы ацы хъуыддаг зынгæ кæй фенцондæр уыдзæн, ууыл. Ныртæккæ сывæллæтты рæвдауæндæттæм æрмæст Дзæуджыхъæуы рады лæууынц 8 мин адæймаджы, зæгъы горæты администрацийы ахуырады управленийы сæргълæууæг Тменаты Алексей. Се рдæг рады æрлæууыд электрон системæйы фæрцы. Ацы мæйы кæронмæ Дзæуджыхъæуы администраци фæнд кæны дыууæ ног рæвдауæндоны байгом кæнын. Афæдзы кæронмæ та æмтгæй райсæгæйæ горæтаг рæвдауæндæтты фæзындзæн 200 уæлæмхасæн бынаты. Уæвгæ та цæмæй ацы фарста афтæ карзæй мауал лæууа, уый тыххæй Дзæуджыхъæуы саразын хъæуы 11 ног рæвдауæноны.