Доны къуылымпыйы тыххæй ма сæ хатдзæгттæ хъуамæ радтой Уæрæсейы техникон цæстдарды федералон управленийы
Дзæуджыхъæуы цæрджытæ 1-æм февралы æнæ донæй цæй аххосæй баззадысты, уый тыххæй ныхас цыд Реданты донæмбырдгæнæны Цæрæнуæтты-коммуналон хæдзарады министрады, горæты администрацийы æмæ куыстуат «Владсток»-ы минæвæрттæ. Доны къуылымпыйы тыххæй ма сæ хатдзæгттæ хъуамæ радтой Уæрæсейы техникон цæстдарды федералон управленийы. Цыфæнды куы уа, уæддæр Фæрниаты Тамерланы ныхæстæм гæсгæ, ахæм цау хъуамæ мауал æрцæуа – боны дæргъы адæм æнæ донæй хъуамæ макуыуал баззайой. Æмбырды рæстæг ма æрдзырдтой, Дзæуджыхъæуы дондзæуæн системæ рацаразинаг кæй у, уый тыххæй. Æмбæлгæ проект фарон лæвæрд æрцыд паддзахадон экспертизæйы Управленимæ. Йæ фæрцы фæкъаддæр кæнæн ис Горæты гæлиуфарсмæ дон дæттыны хæрдзтæ. Уыцы фарстайы республикæ йæ зæрдæ дары федералон программæты æххуысыл. Дондзæуæн системæты хуыздæр куыстæн фарон баиу кодтой дыууæ муниципалон организаци «Владсток» æмæ «Владикавказские водопроводные сети». Ныр донæххæст кæнæн хъуыддæгтæн дзуапп дæтты иу куыстуат.
