филиал вгтрк государственная телерадиовещательная компания “Алания”

Дауны синдромимæ рынчын адæмæн æххуыс кæныны цæгатирыстойнаг регионалон æхсæнадон организаци «Время перемен» æмæ Цæгат Ирыстоны паддзахадон педагогон институт иумæ бацæттæ кодтой акци «Солнечный шаг». Мадзал алы аз дæр арæзт æрцæуы октябры. Ацы мæй адæмы хсæн фæпарахат кæнынц Дауны синдромимæ адæймаджы тыххæй информаци. Акцийы архайджытæ цыдысты Дзæуджыхъæуы уынгты, æмæ уæрстой зæрдылдарæнтæ. Уый размæ та ма скодтой гыццыл концертон программæ. Зарыдысты, бакастысты æмдзæвгæтæ, кафыдысты. Маршрут уыди Коцойты Арсены уынджы, Штыбы фæзы, Сабырдзинады проспекты æмæ Горькийы уынджы. Акцимæ се вæрæн бахастой Дзæуджыхъæуы «Аланийы» футболисттæ дæр.