Дзанайты Барис куыд фехъусын кодта, афтæмæй республикæ ахæм программæты фыццаг аз нæ архайы
Регионалон проект горæты æнцонвадат цард æххæст кæнын æмæ горæты æнцонвадат цардæн хуыздæр проекты æппæтуæрæсеон конкурсы фæлгæты мадзæлттыл ныхас цыди хицауады æмбырды. Дзанайты Барис куыд фехъусын кодта, афтæмæй республикæ ахæм программæты фыццаг аз нæ архайы. Уый, муниципалон скондты райрæзтæн размæ у ахадгæ къахдзæф. Премьер ма зæрдыл æрлæууын кодта, фæстаг æртæ азмæ ногæй рацарæзтой 140 фæзы, стæй æппæтуæрæсеон конкурс «Чысыл горæтты» фæлгæты царды уагъд æрцыди 7 проекты. Ацы аз фæнд кæнынц 41 æхсæнадон территоримæ базилын, харздзгонд сыл æрцæудзæн 200 милуан сомы, уымæй уæлдай, æххæстгонд цæуынц конкурс «Чысыл горæтты» 3 уæлахиздзау-проекты дæр, уыдон та – 280 милуанæн. Радон конкурсы хатдзæгтæм гæсгæ, республикæйæ уæлахиздзаутæ систы Æрыдон æмæ Мæздæг. Ацы азы пъланмæ гæсгæ, абоны онг базылдысты 25 æхсæнадон фæзмæ, баззади ма дзы 16, уыдон дæр фæнд кæнынц афæдзы кæронмæ фæуын.
