Республикон клиникон рынчындоны арæн хайад афæдз у ахгæд, бындурон цалцæг дзы кæй цæуы, уый тыххæй.Уыимæ ма цалцæггонд æрцыд Дзæуджыхъæуы 2-æм арæндоны патологийы хайад дæр.
Республикон клиникон рынчындоны арæн хайад афæдз у ахгæд, бындурон цалцæг дзы кæй цæуы, уый тыххæй.Уыимæ
ма цалцæггонд æрцыд Дзæуджыхъæуы 2-æм арæндоны патологийы хайад дæр.
Ахæм уавæр кæй сæвзæрд, уый тыххæй уæлæмхасæн бынæттæ байгом кодтой
Æфсæнвæндаджы рынчындоны, Дзæуджыхъæуы 2-æм арæндоны физиологон-акушерон
хайады, Республикон клиникон рынчындоны, стæй сылгоймæгты
консультациты.
ивгъуыд æнусы 68-æм азы. Уæдæй нырмæ йæ бындурон цалцæг скодтой фыццаг
хатт. Бæстыхайæн ивд æрцыд йæ сæр, пъол, рудзгуытæ, дуæрттæ, се ппæт
хæтæлтæ, сантехникæ.
Ногдзинæдтæй ма ам ис мæнæ ахæм
хинайæнтæ. Æдæппæтæй сты 6. Иуæй-иуты та ма ис радиотæ. Цæмæй
сылгоймæгтæ сæхи хорз æнкъарой, уымæн æххуыс уыдзæн музыкæ дæр, зæгъынц
дохтыртæ.
Фæзынд ма дзы, нырыккон домæнтæн дзуапп
чи дæтты, ахæм системæ. Йæ фæрцы сыгъдæггонд цæуы уæлдæф, стæй ма хъарм
кæны агъуыстытæ дæр. Санитарон домæнтæм гæсгæ хъуамæ алы рынчындоны дæр
уа ахæм системæ.
Æппæт цалцæггæнæн куыстытæ дæр конд
æрцыдысты, æнæниздзинадхъахъхъæнынад ног хуызы рацаразыны программæмæ
гæсгæ. Нысангонд уыд 2011-æм – 2012-æм азтæм. Уый æххæстгæнгæйæ ма
рынчындæттæн балхæдтой нырыккон кусæнгæрзтæ.
Тогойты Жаннæ, Дзæуджыхъæуы 2-æм
арæндоны сæйраг дохтыр: «Радтой нын ног кусæнгæрзтæ. Дыууæ ног УЗИ-йы
аппараты, ноггуырдтæ цы хайады сты, уырдæм нын радтой кувезтæ, радтой
нын рæуджыты вентиляцийы аппарат. Уæдæ нæ лабораторийæн дæр ног
кусæнгæрзтæ».
Бындурон цалцæгмæ æхгæд æрцыд
Республикон клиникон рынчындоны арæн хайад дæр. Фæлæ ам уавæр зындæр у.
модернизацийы программæмæ гæсгæ сын цы 19 милуан сомы радих кодтой,
уыдон се ппæт дæр бахардз сты. Пъланмæ гæсгæ цы снысан кодтой, уыцы
куыстытæ конд æрцыдысты. Фæлæ бæстыхайы кусæн нæма ис, зæгъынц
æнæниздзинадхъахъхъæнынады министрады кусджытæ.
Цыдаты Татьянæ, РЦИ-Аланийы
æнæниздзинадхъахъхъæнынады министры хæдивæг: «Фæнды нæ, цæмæй арæндоны
бæстыхай хорз уавæры уа. Уымæн сфæнд кодтам куыстытæ кæронмæ бакæнынæн
уæлæмхасæн фæрæзтæ ссарын. Республикæйы хицауад нын зæрдæ бавæрдта, æхца
кæй радих кæндзысты, уымæй».
Цæгат Ирыстоны
æнæниздзинадхъахъхъæнынады министрады куыд зæгъынц, афтæмæй Республикон
клиникон рынчындоны арæн хайад байгом уыдзæн ног аз. Ныр та уал куыст
фæфылдæр Дзæуджыхъæуы 1-æм арæндоны.
Тедтойты Анжеликæ, Дзæуджыхъæуы 1-æм
арæндоны сæйраг дохтыр: «Нæ куыст фæфылдæр, фæлæ уымæ мах уыдыстæм
цæттæ, нæ кусджытæ ууыл тынг архайынц. Æнхъæлцау сылгоймæгтæн, махæй
уæлдай ма бынæттæ скодтой РКБ-йы, стæй сылгоймæгты консультациты. Ахæм
уавæры мах стæм афæдзы дæргъы æмæ хъуамæ цалцæггæнæн куыстытæ хъуамæ
тагъд фæуой, æмæ арæндонтæ хъуамæ тагъд байгом кæной. Æмæ уæд нæ уавæр
дæр фенцондæр уыдзæн, нæ куыст дæр фенцондæр уыдзæн».
Уæлæмхасæн бынæттæ байгом кодтой
Дзæуджыхъæуы 2-æм арæндоны физиологийы хайады, стæй республикон клиникон
рынчындоны кæцыдæр хайæдты. Сылгоймæгты ма исынц æфсæнвæндаджы
ранчындоны дæр.
Гугкаты Иринæ
