Ахæм боныхъæдыл республикæйы цæрджытæ ахуыр нал сты.
Синоптиктæ куыд зæгъынц, афтæмæй йæ сæйраг аххосаг у, Уæрæсейы территоримæ арктикон антициклон кæй æрбахæццæ, уый.
Синоптиктæ куыд зæгъынц, афтæмæй йæ сæйраг аххосаг у, Уæрæсейы территоримæ арктикон антициклон кæй æрбахæццæ, уый. Уазал бонтæ республикæйы ахæсдзысты къуырийы бæрц. Суткæйы рæстæгмæйы температурæ ивдзæн 8-æй 14 градусы онг. Хæстæгдæр рæстæг ма уардзæн мит дæр. Зæгъын хъæуы уый, æмæ æппæтæй уазалдæр у республикæйы цæгатаг хайы – Мæздæджы районы. Фæлæ афтæ зæгъæн нæй, æмæ Цæгат Ирыстоны ахæм боныхъæд никуы уыд. Ахæм уазæлттæ ма синоптиктæ бæрæг кодтой дыууæ азы размæ, февралы райдиан. Температурæ уыд 20-26 градусы уазал. Синоптиктæ куыд зæгъынц, афтæмæй хъарм бонтæ нырма тагъд рæстæджы нæ уыдзæн. Хъызт уазæлттæ ахæсдзысты къуырийы бæрц, уый фæстæ дæр уыдзæн уазал зымæгон бонтæ.
