филиал вгтрк государственная телерадиовещательная компания “Алания”

Фæндаггон æдасдзинады урок. Республикæйы физикон-математикон лицейы ахуырдзатæн фембæлд уыди фæндæгтыл æдасæй цæуыны паддзахадон автоинспекцийы кусджытимæ.

Ныхас дзы цыди, зымæджы фæндæгтыл хи куыд дарын хъæуы, ууыл. Сывæллæттæн бамбарын кодтой зымæгон фæндагыл уæлдай тынгдæр тæссаг кæй вæййы, уый.

Сæ зæрдыл сын æрлæууын кодтой, кæм не `мбæлы, уым фæндаджы сæрты цæуæн кæй нæй, уый. Сæрмагонд бынаты дæр уал бæлццон хъуамæ акæса йæ алыварс, æмæ дзы кæд хæстæг машинæ нæй, уæд йæ бон у, фæндаджы сæрты ацæуын. Фæндаггон фыдбылызтæй бахизыны профилактикон мадзæлттæ автоинспекцийы кусджытæ сывæллæттимæ арæх кæнынц. Ахæм фембæлдтытæ араздзысты республикæйы алы скъолайы дæр.