12 июля 2016, 17:32
Республикæйы хицауады сæрдарæн фæзындзæн ног хæдивæг, уый кусдзæн æрмæстдæр Мæздæджы районы фарстатыл
Æмæ уыдзæни уыцы муниципалон скондæй. Уый тыххæй фехъусын кодта республикæйы сæргълæууæджы хæстæ рæстæгмæ æххæстгæнæг Битарты Вячеслав. Абон фембæлд республикæйы ветеранты советы æмæ районты дæлхайæдты активисттимæ.
Республикæйы хицауады сæрдарæн фæзындзæн ног хæдивæг, уый кусдзæн æрмæстдæр Мæздæджы районы фарстатыл. Æмæ уыдзæни уыцы муниципалон скондæй. Уый тыххæй фехъусын кодта республикæйы сæргълæууæджы хæстæ рæстæгмæ æххæстгæнæг Битарты Вячеслав. Абон фембæлд республикæйы ветеранты советы æмæ районты дæлхайæдты активисттимæ. Æмбырды архайдтой министртæ, Пенсион фонды республикон хайæдты, социалон фæдзæхстады Фонды æмæ районты администрациты минæвæрттæ. Мæздæджы районы ветеранты Советы фарста баст уыди хæдзæртты бындурон цалцæджы Фондмæ адæмы фиддонтимæ. Уыцы бæрæггæнæн республикæйы хæццæ кæны 80 процентмæ. Мæздæджы районы минæвæртты фæндон уыди, цæмæй уыцы æхцатæ æндæр районмæ ма цæуой, уый. Битарты Вячеслав сын уымæй зæрдæ бавæрдта, стæй экономикæйы министрадæн бахæс кодта, районы рæзтæн социалон-экономикон программæ саразын. Абон ма Битарты Вячеслав ветеранты курдиатмæ гæсгæ, бахæс кодта, герентологон центрмæ ацæргæ адæмы чи ласдзæн, ахæм сæрмагонд автобус радих кæнын. Фембæлды ма ныхас цыди адæмы льготæтæм гæсгæ, хостæй ифтонг кæныныл æмæ ирон æвзаг бахъахъхъæныныл. æрныхас кодтой республикæйы сæйраг футболон командæйы, йæ тренировкæтæ кæнæн базæйы æмæ стадионы фидæныл.
темæмæ гæсгæ
