филиал вгтрк государственная телерадиовещательная компания “Алания”

Республикæйы инвалид сывæллæттæн ныр фадат уыдзæн фæсарæйнаг æвзаг интернеты фæрцы ахуыр кæнынæн. Ахæм программæ сын балæвар кодта республикæйы хицауады сæрдар Такъоты Сергей. Куыд дзы пайда кæнын хъæуы, уый тыххæй ныййарджытæн радзырдтой проект «От нуля до миллиона»-йы архайджытæ. Уыдон хæлардзинады хæдзары сарæзтой хæрзаудæн акци «Детям мира свободное общение». Ацы акци цæуы Цæгат Кавказы республикæты. Инвалидтæ æмæ æххуысхъуаг бинонты сывæллæттæй алчидæр ахуыр кæндзæн, 9 æвзагæй кæй цавæр æвзаг базонын фæнды, уый æмæ афæдзы фæстæ сæ бон архайын уыдзæн сæрмагонд конкурсы. Программæйæ пайда кæнын райдыдтой республикæйы цалдæр скъолайы, сæ ахуырдзаутæ тырнынц конкурс рамбулынмæ æмæ, цы бæстæйы æвзаг сахуыр кæна, уым 10 боны лæвар фæуынмæ.

Хабæты Ханзариффæ, инвалид сывæллæтты реабилитацион центр «Алани»-йы разамонæг: «Ацы проект саразын нæ къухы бафтыд республикæы хицауады сæргълæууæг Такъоты Сергейы фæрцы. Æдзух дæр йæ цæст дары инвалид сывæллæттæм. Тынг арфæйаг дзы стæм».