филиал вгтрк государственная телерадиовещательная компания “Алания”

Нырыккон операцитæ – æнæ къæрт æмæ æнæ тугкалдæй. Республикæйы клиникон рынчындоны æрдзырдтой рентгенон хирургийæйы актуалон фарстатыл. Конференци сси традицион. Мæскуйы, Санкт-Петербурджы, Минскы æмæ æндæр горæттæй ахуыргæндтæ 14-æм хатт æрæмбырд сты Цæгат Ирыстоны. Æркастысты рынчынты уавæрмæ, дохтыртæ кæрæдзийæн равдыстой сæ фæлтæрддзинад. Куыд фæбæрæг кодтой, афтæмæй нæ республикæйы рынчындоны куыст фæстаг азты фæхуыздæр. Специалисттæ пайда кæнынц нырыккондæр техникон фæрæзтæй. Алы горæтты специалисттимæ сын ис бастдзинад æмæ бахъуаджы сахат цæттæ сты кæрæдзийæн баххуыс кæнынмæ.

Тауытты Алана, Рентгенон хирургийæйы хайады дохтыр: «Нæ хайады куыст бонæй бонмæ рæзы, ног медицинон методикæйы фæрцы. Нæ фæлтæрддзинад æмæ нæ зонындзинæдтæ не `вгъау кæнæм Уæрæсейы бирæ горæтты дохтыртæн. Уыцы специалисттæ ссыдысты Белгородæй, Мæскуыйæ, Минскæй, Санкт-Петербургæй, Стъараполæй æмæ иннæ горæттæй».